Меси одбил богатство за да премине во Саудиска Арабија

Аргентинската фудбалска ѕвезда Лионел Меси уште еднаш покажа дека неговото семејство е негов врвен приоритет, дури и кога станува збор за незамисливи финансиски понуди.

Претседателот на саудискиот фудбалски клуб Ал-Итихад, Анмар Ал Хаили, откри дека неговиот клуб се обидел да го доведе Меси откако тој го напушти ПСЖ, нудејќи му договор каков што спортскиот свет никогаш порано не видел.

Според него, Ал-Итихад му понудил на легендарниот Аргентинец дури 1,5 милијарди евра за да ја продолжи кариерата во Саудиска Арабија.

Меси без размислување ја одбил рекордната понуда.

„Му понудивме 1,5 милијарди евра, но тој го отфрли нашиот предлог бидејќи неговото семејство сакаше да живее во Мајами“, рече Ал Хаили.