МЗТ Скопје го одбрани трофејот од Суперкупот на Македонија во кошарка

Кошаркарите на МЗТ Скопје ја продолжија доминацијата кога се говори за трофеи во мак-баскетот. Потешко од очекуваното, аеродромци го совладаа Кожув 71-64 кој за првпат играше за трофеј и така го освоија Суперкупот на Македонија.

За „штрковите“ предводени од тренерот Васко Атанасов ова беше осмо одличје во настанот кој е увертира за новата сезона во мак-баскетот.

Гил со 16 и Војдан Стојановски и МекКаден со по 13 поени беа најзаслужни за трофејот на МЗТ, додека за поразениот тим се истакнаа Парвис со 21 и Дибински и Николас со по 12 поени.