МЗТ Скопје се враќа во АБА лигата

Кошаркарскиот клуб МЗТ Скопје, после пауза од четири години, повторно ќе настапува во Јадранската АБА1 лига.

Пласманот за учество, тимот од Скопје го обезбеди со победата над Широки Бријег со 75:71, во рамките на полуфиналето од АБА2 лигата. Дуелот се одигра во Спортскиот центар „Јане Сандански“.

Најефикасен кошаркар кај скопјани беше Дамјан Стојановски со 17 коша и 5 скока.