Мигуел Пинто мора на операција, се враќа на терените по два месеци

Португалското засилување за РК Вардар, Мигуел Пинто е
успешно опериран по повредата на менискусот на коленото и сега
ќе го започне процесот на рехабилитација.
Поради проблемите кои се појавија во подготвителниот период
пред сезоната, беше решено оперативниот зафат да биде
направен побрзо, и истиот го изврши др. Небојша Настов.
Се очекува Пинто да се врати на теренот за 8-10 седмици, кога би
требало да дебитира за Вардар.
Португалецот во тимот на Вардар пристигна од тимот на Агунас
Сантас од неговата татковина. Изминатата сезона на 30
натпревари постигна 74 гола.