Микел Мерино пак е херојот, Шпанија втор мундијалски полуфиналист

Шпанија со 2-1 ја победи Белгија со гол на Мерино во финишот од натпреварот, пех за Белгијците беше повредата на Тибо Куртоа која на крајот се покажа и како клучна за поразот.

Шпанија дојде во водство во 30. минута со гол на Фабијан Руиз.

Предноста траеше само десетина минути кога Де Кетеларе погоди со глава за израмнувње на 1-1.

Во 71. минута Куртоа излезе од игра поради повреда, на негово место влезе голманот на Манчестер јунајтед, Ламенс.

Мерино во игра влезе во 86. минута, а само две минути подоцна искористи една лоша интервенција на Ламенс кој ја одби топката до фудбалерот на Шпанија, а тој погоди за 2-1.

Шпанија во полуфиналето ќе игра против Франција.