Милан го сака најдобриот фудбалер на Ремс

Италијански извори тврдат дека Милан прави се за ова лето да го обебзеди потписот на младиот 21-годишен фудбалер на Арсенал, Фоларин Балогун, кој годинава блеска како позајмен во француски Ремс.

Италијанскиот гигант е еден од клубовите кои сакаат да разговараат за негова продажба или позајмица следната сезона. Балогун дојде низ младинските редови на „топчиите“, но не успеа да се пробие во првиот тим и беше предмет на бројни позајмици.

Оваа сезона се најде во центарот на вниманието преку неговите настапи за Ремс. 21-годишниот играч има 18 гола на 27 натпревари за францускиот тим сезонава.