Милан Ристовски: Имаме верба во себе и одиме на победа против Грузија

Македонската фудбалска репрезентација ги продолжува настапите во Лигата на нации. Следен противник на црвено-жолтите е селекцијата на Грузија со која е закажан дуел во четврток на арената „Тодор Проески“ во Скопје.

„На натпреварот со Грузија треба да покажеме дека можеме многу повеќе. Дуелот нема да биде лесен, бидејќи Грузија е навистина силен противник кој ќе биде доста мотивиран после нивните две победи. Ние веруваме во себе и во нашиот квалитет. Ќе се подготвиме добро и се надеваме на победа“, изјави напаѓачот Ристовски.