Милан ќе добие нов директор, Фабио Паратичи се враќа во италијанскиот фудбал

Фабио Паратичи е многу блиску до назначување за спортски директор на Милан.

Извршниот директор на „росонерите“, Џорџо Фурлани отпатува за Лондон за да се сретне со поранешниот спортски директор на Јувентус и Тотенхем.

Договорот со Паратичи би можел да биде склучен уште денеска, пренесува новинарот Пепе Ди Стефано. Фабио Паратичи имаше слична улога во Тотенхем од 2021 до 2023 година. Во 2023 година, тој доби 2,5-годишна суспензија за финансиска измама додека работеше во Јувентус. Суспензијата наскоро истекува и тој ќе може да се врати на фудбалска функција.