МЛС лигата му изрече суспензија на телохранителот на Меси

Менаџментот на американскиот Лига куп (натпреварување во кое учествуваат клубови од САД, Мексико и Канада) му изрече суспензија на телохранителот на Меси, Јасин Чеуко поради напад врз противнички фудбалер на мечот против Атлас во средата.

По завршувањето на мечот се случи дуел меѓу фудбалерите на Интер Мајами и Атлас, во неа се вмеша и телохранителот на Меси кој му се пушти на еден од играчите на Атлас.

„По завршувањето на мечот меѓу Интер Мајами и Атлас на 30 јули, член на делегацијата на американскиот клуб покажа непримерно однесување со тоа што влезе во официјалната зона каде не му дозволен влезот. Поради тоа му е изречена суспензија до крајот на оваа сезона во Лига купот“, објави дисциплинската комисија на ова натпреварување, а медиумите подоцна открија дека станува збор за Чеуко.