МЛС лигата сонува ангажман на Лионел Меси

Лионел Меси подолг период се поврзува со трансфер во МЛС, каде веројатно би ја завршил својата успешна фубалска кариера.

Во прв план е Интер Мајами и косопственикот Дејвид Бекам, кој наводно подолг период го убедува Аргентинецот да се пресели во САД.

Ова лето е идеален тајминг за такво нешто бидејќи истекува договорот на Меси со ПСЖ, а Бекам го ветува и неговиот поранешен соиграч Серхио Бускетс во пакет.

Комесарот на лигата, Дон Гарбер, вообичаено негодува за ангажирање на фудбалери во залезот на кариерата, но тоа не важи и за Меси.

„Зборуваме за можеби најважниот фудбалер во историјата на фудбалот. Затоа и шпекулациите кои го поврзуваат со Интер Мајами ми се допаѓаат, мислам дека ако се случи такво нешто, тоа ќе биде добро и за клубот и за лигата, но и за Меси и неговата фамилија“, изјавил Гарбер.