Модриќ ќе продолжи да игра за хрватската репрезентација

Селекторот на хрватската фудбалска репрезентација, Златко Далиќ го објави списокотна  фудбалери на кои ќе смета за претстојниот настап во Лигата на нации, а на кој, на огромна радост на сите во земјата се наоѓа и капитенот Лука Модриќ.

Хрватска првиот меч ќе го одигра против Португалија на 5 септември во Лисабон, а три дена подоцна ќе ги пречека Полјаците во Осјек.

„Лигата на нации ќе ни биде добра платформа да создадеме тим кој ќе се квалификува за Светското првенство во 2026 година. Во споредба со годинешното ЕП, останавме без двајца ветерани, Вида и Брозовиќ, но затоа сите сме среќен што капитенот Модриќ останува со нас – Лука е нашата голема сила на теренот и надвор од него“, изјави Далиќ.