Модриќ ќе ја „скокне“ Малта за посвеж да го дочека крајот на сезоната

Лука Модриќ, ќе го пропушти натпреварот од квалификацискиите за СП 2022 година помеѓу Хрватска и Малта.
Стручниот штаб на репрезентацијата на Хрватска реши да му даде одмор на 35-годишниот предводник на хрватскиот тим. Натпреварот со Малта ќе се одигра вечерва во Загреб.
Модриќ, кој го одигра целиот натпревар со Кипар (1-0), го одигра 135- от натпревар за репрезентацијата и го престигна дефанзивецот Дарио Срна, кој го заврши својот настап во националниот тим во 2016 година. По Модриќ и Срна по бројот на одиграни натпревари за репрезентацијата, тука се Стипе Плетикоса (114 натпревари), Иван Ракитиќ (106), Јосип Шимуњиќ (105), Ивица Олиќ (104), Ведран Чорлука (103).
Покрај Хрватска и Малта, во групата Х играат селекциите на Русија, Словачка, Словенија и Кипар.