Монако исфрлен од кошаркарската елита во Франција

(FILES) AS Monaco’s players and coaching staff celebrate becoming the French Ligue Nationale de Basket (LNB Elite) Champions after their match 5 final game against Paris Basketball at the Adidas Arena in Paris on June 23, 2026. AS Monaco, the reigning French champions, have had their appeal dismissed and have been banned from the professional league by the French Basketball Federation (FFBB), which confirmed the club’s lack of financial viability, according to an FFBB statement published on August 1, 2026.,Image: 1120115095, License: Rights-managed, Restrictions: , Model Release: no , Credit line: JULIEN DE ROSA / AFP / Profimedia

Француската кошаркарска федерација ја одби жалбата на Монако, со што и официјално првакот е исфрлен од Лигата.

Федерацијата ја потврди одлуката на финансискиот надзорен орган на националната лига донесена на 3 јули, според која Монако е исклучен од првото и второто првенство во професионалната лига.

Клубот од Кнежевина сè уште има можност да ја продолжи правната битка. По одлуката на федерацијата, може да се жали до Францускиот национален олимписки и спортски комитет (CNOSF), а потоа и до Административниот суд.

Главната причина за санкцијата е тешката финансиска состојба. Монако се соочува со долг од околу 24 милиони евра. Во жалбената постапка, клубот тврдеше дека постои потенцијален инвеститор кој би можел да обезбеди стабилен буџет за следната сезона, поради што му беше даден дополнителен рок за поднесување на потребната документација.

Сепак, според објаснувањето на ФФББ, клубот не ги доставил бараните документи во предвидениот рок, па затоа претходната одлука за нивно исклучување од натпреварувањето беше потврдена.

Монако ја потврди одлуката на социјалните мрежи и објави дека разгледува нова жалба до CNOSF. Клубот, исто така, им се заблагодари на институциите на Кнежевството Монако и на сите оние кои ги поддржуваат напорите за финансиско реструктуирање.