Мудрик со отворен напад кон Шевченко и Украина

Две години, Микхајло Мудрик немаше право да тренира со Челзи или да игра натпревари за „сините“, во кое било од натпреварувањата, сè додека не ја отслужи суспензијата за допинг, за што, во својот прв јавен настап, директно ја обвинува Фудбалската федерација на Украина (ФФУ).
Според поранешната ѕвезда на Шахтјор Донецк, кој моментално е на позајмица во Тотенхем, тој самиот не ја земал забранетата супстанца, туку несвесно го консумирал забранетиот мелдониум, познат по подобрување на физичката издржливост и забрзување на закрепнувањето.
„Станува збор за нешто што може да се добие само во Источна Европа. Можеше да влезе во моето тело само таму каде што престојував, а тоа е Украина. Нема такви работи во Англија… Има нутриционисти кои ни даваат мешавина од таблети пред натпреварот. Тие само ги ставаат во чаша, играчите дури и не прашуваат што земаат“, раскажа Мудрик во долг разговор со новинарот Дмитриј Гордон.
Авторот на подкастот го праша дали тоа значи дека го смета ФФУ за виновен за неговата агонија, а тој решително одговори.
„Да, така е“, рече фудбалерот чиј трансфер на „Стемфорд Бриџ“ чинеше огромни 100.000.000 евра, а потоа ги насочи критиките, директно кон првиот човек на ФФУ и локалната легенда, Андреј Шевченко.
„Ќе бидам искрен, се преправаа дека помагаат, но всушност немаше помош. Создадоа повеќе проблеми отколку што решија. Ни го свртеа грбот токму кога најмногу ни требаше помош.“