Мурињо го враќа Бензема во Европа

Новиот тренер на Бенфика, Жозе Мурињо, е заинтересиран за францускиот напаѓач Карим Бензема, објави „Гол Франс“. Мурињо, кој неодамна го презеде португалскиот гигант, се стреми да го засили својот тим со искусни и познати ѕвезди во обидот да ја освојат португалската титула.

Под водство на Жозе Мурињо во Реал Мадрид помеѓу 2010 и 2013 година, Бензема стана еден од најпрепознатливите напаѓачи во Европа.

37-годишниот Бензема моментално е под договор со саудискиот клуб Ал-Итихад до летото 2026 година, што би можело да ги отежни преговорите за претходен трансфер. Се очекува португалскиот гигант да даде понуда за Французинот во зимскиот преоден рок. Доколку не се постигне договор во јануари, „орлите“ ќе го чекаат Бензема на слободен трансфер во текот на летото.