Мусети нема да настапи на Вимблдон

Италијанскиот тенисер Лоренцо Мусети објави дека нема да може да учествува на Вимблдон 2026.

• Би сакал да ве известам за напредокот на моето закрепнување од повредата што ја добив во Рим. Мојата рехабилитација оди многу добро, а медицинските резултати се охрабрувачки. За жал, бидејќи сè уште не можам да ја продолжам мојата целосна физичка програма, по темелна проценка, дојдовме до тежок заклучок дека нема да можам да учествувам на Вимблдон оваа година. Ова не е лесна одлука, но е правилна. Мој приоритет е да се вратам на теренот со 100 проценти капацитет. Ви благодарам за вашата континуирана поддршка – се гледаме наскоро, напиша 24-годишниот спортист на социјалните мрежи.

Поради повредата, Мусети го пропушти Ролан Гарос 2026 година.