Наби Кеита на крајот од сезоната ќе го напушти Ливерпул

Англиските медиуми пренесуваат дека челниците на Ливерпул одлучиле да не му понудат продолжување на договорот на фудбалерот од средниот ред на „црвените“, Наби Кеита.

27-годишниот Кеита е член на Ливерпул од 2018.година, а неговиот договор со клубот од Енфилд истекува на 30.јуни оваа година. Тој од Ливерпул ќе си замине како слободен играч без обештетување.

Репрезентативецот на Гвинеја, е четвртото најскапо засилување на Ливерпул, кој за негов ангажман во 2018.година му плати на Лајпциг 60 милиони евра. За екипата предводена од тренерот Клоп, тој постигна 11 гола на 123 натпревари.