Неверојатна понуда: ПСЖ му нуди на Мбапе годишна плата од 50 милиони евра

Екипата на Париз Сен Жермен сака по секоја цена да го задржи Килијан Мбапе во своите редови. Како што пренесуваат француските медиуми, одржана е нова рунда на преговори помеѓу клубот и застапниците на фудбалерот.

Сопствениците од Катар се задоволни и со нов двегодишен договор на Мбапе со тимот од Париз, за што се спремни да му понудат годишна плата од 50 милиони евра.

Францускиот репрезентативец досега одби неколку понуди за потпишување нов договор со ПСЖ, но исто така изјави дека е фокусиран на своите игри и дека сеуште не донел одлука за својата иднина.