Непредвидени проблеми за Куман: Депај го загубил пасошот во Бразил

Холандскиот репрезентативец, Мемфис Депај, останал без пасош и морал да го пропушти собирот пред мечевите од квалификациите за Светското Првенство во 2026 година.

Фудбалерот на Коринтијанс не може да го напушти Бразил бидејќи патната исправа му била украдена. За целата ситуација се огласи селекторот на „лалињата“, Роналд Куман.

„Се надеваме дека тој ќе ни се придружи во кампот што е можно поскоро“ – рече предводникот на Холандија.