Неславен рекорд на Одегард: Три замени заради повреда во првиот дел сезонава

Арсенал го победи Вест Хем и се искачи на врвот на премиерлигашката табела, но триумфот беше скапо платен, бидејќи капитенот Мартин Едегард заработи нова повреда и мораше да биде заменет уште во првото полувреме.

Стратегот Микел Артета не криеше дека е загрижен за состојбата на норвешкиот плејмејкер кого го очекува нова пауза од терените.

„Од она што ми беше кажано, се чини дека беше удар колено во колено. Од она што самиот го видов, можам да кажам дека не изгледа добро за Мартин. Сепак, да ги почекаме резултатите од деталните прегледи“, изјави Артета.

Мартин Одегард беше заменет во првото полувреме на три последователни натпревари во низа против Лидс, Нотингем Форест и Вест Хем.

Со тоа Норвежанецот стана негативен рекордер, бидејќи досега ниту еден играч во Премиер лигата не бил заменет трипати во прво полувреме едно по друго.