Неста промовиран во нов тренер на Монца

Поранешниот италијански репрезентативец и легенда на Милан, Алесандро Неста е назначен за тренер на Монца, соопштија од Серија А.

48-годишниот Неста доаѓа на местото на Рафаеле Паладино, кој ја презеде тренерската функција во Фиорентина. Неста неодамна беше на чело на второлигашот Реџана, кој минатата сезона заврши на 11-тото место во Серија Б.

Како фудбалер, Неста стана култна личност за тимовите на Лацио и Милан. Со овие две екипи освои многу трифеи, посебно со Милан со кои освои десет трофеи за десет години, меѓу кои две ЛШ и два пати италијанско првенство.

Со репрезентацијата на Италија го освои и светскиот шампионат во 2006 година.