Нејмар се врати на теренот: Плачев после повредата

Бразилскиот фудбалски репрезентативец Нејмар повторно се врати на теренот и беше стрелец на гол за својата екипа во победата над Јужна Кореја со 4:1 во осминафиналето од СП во Катар.

Нејмар после натпреварот изјави дека плачел цела ноќ после повредата на скочниот зглоб поради која мораше да пропушти два натпревари во групната фаза на Мундијалот во Катар.

„Бев доста уплашен бидејќи имав голема верба во себе после добриот старт на сезоната. Кога ќе се повредите на таков начин тоа е многу болно. После повредата плачев цела ноќ, но на крајот се испадна добро. Сонуваме за титулата но за таа цел остануваат уште три натпревари кои мора да ги добиеме“, изјави Нејмар.