Нејмар се предомисли и сега сака нов договор со ПСЖ

Бразилскиот фудбалски интернационалец во редовите на ПСЖ, Нејмар, кој има договор до летото во 2022 година се определил да ја продолжи соработката со францускиот состав. Според одредени информации, брзоногиот напаѓач сака да остане што е можно подолго на „Паркот на принцовите“ и затоа потенцирал дека нема амбиции да го напушти Париз. „Сакам да останам во Пари Сен Жермен. Навистина сум среќен. Многу работи се променија. Исто така сакам да остане и Килијан Мбапе”, потенцирал Нејмар.