Нигеријците со порака до Јанис: Сети се кога заедно ги победивме Грците

Ѕвездата на НБА лигашот Милвоки, Нигериецот со грчки пасош Јанис Адетокумбо привлече големо внимание во јавноста во Нигерија. 

Јанис кој во последните неколку години е меѓу најдобрите кошаркари на светот и е двоен носител на МВП признанието во НБА во моментов со своите тројца браќа е на подготовки со кошаркарската репрезентација на Грција пред продолжението на Мундијалските квалификации и настапот на Европскиот шампионат.

Тој на својот профил на „Твитер“ објави фотографија во дресот на грчката репрезентација заедно со тројцата браќа. На твитот на Јанис реагираше официјалниот профил на репрезентацијата на Нигерија, со видео од 2012 година.