Николов и Начевски го добија најтешкото четвртфинале на ЛШ

Најдобрите македонски ракометни судии, Славе Николов и Ѓорѓи Начевски, ја добија честа да ја делат правдата на првиот четвртфинален меч од Лигата на шампионите помеѓу екипите на Килеце и Магдебург.

Полскиот гигант ќе го пречека германскиот тим на домашен терен на 24 април и тука се очекува голема битка за пласман на завршниот турнир во Келн.

Киелце без многу проблеми го мина ГОГ Гудме во осминафиналната фаза, додека Магдебург по голема борба успеа да го елиминира унгарскиот претставник, Веспрем.

Ова е уште едно големо признание за Начевски и Николов, кои во минатото судеа многу важни натпревари во Лигата на шампионите, како и на европските и светските првенства.