Нико Вилијамс се предомисли и потпиша нов договор со Атлетик Билбао

Шпанскиот крилен напаѓач Нико Вилијамс, денеска го продолжи договорот со Атлетик Билбао до 2035 година, соопштија од баскискиот клуб. Претходниот договор на играчот со клубот истекуваше во летото 2027 година.

Иако цело време се пишуваше дека Барселона стигнала до последната фаза од преговорите за трансферот на Нико Вилијамс и е целосно уверена дека ќе може да го регистрира во блиска иднина, Вилијамс се одличи да остане во Атлетик.

Минатата сезона, Вилијамс одигра 45 натпревари во сите натпреварувања, постигна 11 гола и имаше седум асистенции.