Новите газди на Рома го рефинансираа долгот

Сопственикот на фудбалскиот клуб Рома, Ден Фридкин, вложи уште 92 милиони евра во клубот. Така американскиот милијардер ја заврши операцијата за рефинансирање на долгот.

Тоа резултираше со откуп на обврзници кои доспеваат во 2024 година во износ од 267 милиони евра. Операцијата е овозможена со привлекување пари од приватни американски инвеститори во износ од околу 175 милиони евра за замена на првичниот долг од 267 милиони.

Остатокот (92 милиони) ќе го покријат сопствениците на клубот. Компанијата – „The Friedkin Group“ ја купи Рома во 2020 година за 591 милион евра.