Нови проблеми за Барселона, Серхи Роберто мора на операција

Повремениот капитен на Барселона, Серхи Роберто, поради повреда на бутниот мускул ќе мора да биде опериран и ќе паузира најмалку четири месеци.

Роберто, кој во тимот од „Камп Ноу“ игра на позициите десен бек и како играч од средината на теренот, е надвор од тимот од 27.октомври. Лекарскиот тим на Барселона беше на мислење дека за неговата повреда нема да има потреба од операција но на крајот ќе мора да биде извршена интервенција на неговиот мусул.

Со ова продолжуваат проблемите со повредени играчи во Барселона, каде освен Роберто, надвор од тимот се Ансу Фати, Педри и Брајтвајт.