Нови проблеми за Ефес, Ларкин ќе го одложи враќањето на теренот

Паузата поради повредата на препеоните за играчот на Анадолу Ефес Шејн Ларкин ќе продолжи. Нему нема да му биде извршена операција, но ќе мора да мирува.

Тешка е ситуацијата за нашиот тим. Но, сакаме нашиот капитен (Шејн Ларкин) да биде потполно здрав и се надеваме дека набрзо ќе ни се приклучи, изјави тренерот на Ефес Пабло Ласо.

Имало обид тој да се врати за време на натпреварите од купот на Турција (средина на февруари), но сепак од страна на медицинскиот тим било решено да не се брза со враќањето на теренот.

Ларкин последниот настап го имаше кон средината на ноември минатата година. Во Евролигата има одиграно 11 натпревари со 15,8 поени во просек.