Нов проблем за Франција пред ЕП- Лука Карабатиќ е повреден и не патува со тимот

Ракометната репрезентација на Франција се соочува со големи проблеми пред настапот на Европското првенство. Поради повреда настапот на шампионатот го откажа и Лука Карабатиќ.

Селекторот Гијом Жил од почетокот на подготовките има големи проблеми, пред се со неколку заразени играчи со Ковид, а поради повреда од списокот на учесници претходно отпадна бекот Ремили.

Како замена за Карабатиќ, на првенството во Словачка и Унгарија ќе патува Тео Монар од Нант.

Селекцијата на Франција за противници во групната фаза од ЕП ги има Србија, Хрватска и Украина.