Нојер верен на Баерн до 2024 година

Германскиот првак Баерн денес го потврди новиот договор со Мануел Нојер. 36-годишниот капитен на германските шампиони потпиша нова соработка со Баварците која ќе трае заклучно со 2024 година.

Мануел Нојер со Баерн има освоено десет титули на Германија, пет купови и шестпати стана освојувач на Суперкупот. По двапати ја освои и Лигата на шампионите, Светското клупско првенство и Суперкупот на Европа.