Одложено француското дерби меѓу Олимпик Марсеј и ПСЖ

Натпреварот од 5. коло од француската Лига 1 помеѓу Марсеј и ПСЖ, закажан за денес, 21 септември, е откажан поради лоши временски услови. Оваа информација предмалку беше објавена од страна на Лига 1 на социјалните мрежи.

Како што нагласува прес-службата на Лига 1, овој натпревар ќе биде одложен и ќе се одигра утре (понеделник 22 септември од 20 часот).

Во официјалното соопштение се нагласува дека се очекуваат обилни врнежи од дожд во регионот во текот на попладневните часови, што ќе резултира со обилни врнежи од дожд во областа на домашниот стадион на Марсеј, „Велодром“, во вечерните часови.

Исто така од страна на локалните власти ги повикуваат луѓето да избегнуваат патување со автомобил.

Во последното коло, Олимпик Марсеј го победија Лориент со резултат од 4-0, а парискиот тим победи против Ленс со резултат од 2-0.