Ојлески: Очекуваме тежок натпревар, но одиме на победа

Поранешниот репрезентативец на Македонија, Гоце Ојлески е уверен дека Еурофам Пелистер може да оствари позитивен резултат на гостувањето кај ППД Загреб во натпревар од СЕХА лигата. Десното крило на битолскиот тим тврди дека тој и неговите соиграчи одработиле добри подготовки и посакуваат победа за зголемување на самодовербата пред дуелот со Татабања во Битола. „Мислам дека добро се подготвивме, со исклучок на неколку ракометари кои имаат мали проблеми. Одиме во Загреб да се надигруваме и знаеме каков противник ќе имаме во сабота навечер. Се работи за екипа која скоро секоја година игра Ф4 на СЕХА лигата. Нема да биде лесен натпревар, но ќе играме на победа. Ќе дадеме максимум и ќе видиме што ќе се случи. Ни следат повеќе натпревари и добар старт во Загреб добро би ни дошол. Ни следи брзо потоа и Татабања
во Битола и се надеваме на добри резултати.“ – изјави Ојлески.