Пандев ја продолжува кариерата за уште една сезона?

Медиумите во Италија објавија дека 38-годишниот Горан Пандев е во дилема дали да продолжи со играњето фудбал за уште една сезона.

Македонскиот интернационалец од јануари е член на Парма и се натпреварува во Серија Б. За клубот постигна еден гол и една асистенција на 11 натпревари. Поради повреда Пандев не го одигра последниот натпревар од сезоната која Парма го одигра на 6.мај.

Според информациите постојат изгледни шанси Пандев да одигра уште една сезона, доколку до него пристигне конкретна понуда.