Парагваецот Санабрија потпиша за Торино

Торино успеа да го ангажира напаѓачот на Бетис, Антонио Санабрија. 24-годишниот интернационалец од Парагвај потпиша четиригодишен договор со „биковите“. Тој ќе мора да помине одреден период во карантин бидејќи на задолжителните лекарските прегледи било утврдено дека е заразен со ковид-19. Санабрија има искуство од Серија А бидејќи ги носеше дресовите на Рома, Сасуоло и Џeнова. Тој во тековнава сезона во шпанското првенство одигра 16 мечеви за Бетис и успеа да постигне три гола.