Педро Нето го пропушта Мундијалот во Катар

Фудбалерот на Вулверхемптон, Педро Нето ќе биде опериран на скочниот зглоб, поради што нема да може да игра за Португалија на Светското првенство во Катар, соопшти денеска англискиот клуб.

Клубот oбјави дека 22-годишниот играч за врска се повредил на натпреварот од последното коло од Премиер лигата против Вест Хем (0-2).

„По проценката и мислењето на специјалист, планирано е да се оперира. Тоа значи дека за жал тој нема да биде подготвен за претстојниот Мундијал“, се наведува во соопштението.