Перишиќ спремен за враќање во Хајдук

Еминентниот новинар Џанлука ди Марцио објави „бомба“ и тврди дека Иван Перишиќ ќе се пресели во хрватски Хајдук.

34-годишниот Перишиќ пристигна во Тотенхем минатото лето како големо засилување и запиша 44 настапи во сезоната.

Тој има уште една година договор, но медиумите тврдат дека наскоро ќе го раскине и ќе се врати во Хајдук.

Тој е дете на Хајдук, но никогаш не заигра за првиот тим, па во неколку наврати вети дека сака да се пензионира во клубот од Сплит.