Пешевски: Овај натпревар треба да биде будење за екипата

Ракометниот клуб Еурофарм Пелистер на домашен терен го очекува натпревар во СЕХА Гаспром лигата, против тимот на Војводина. Битолчани на овај дуел ќе ја бараат својата прва победа во групната фаза на ова натпреварување.

Натпреварот со гостите од Србија, за пелистерци доаѓа после изненадувачкиот пораз од Мотор и елиминацијата од Лига Европа.

Свои очекувања за натпреварот со Војводина даде македонскиот репрезентативец во редовите на битолскиот клуб, Жарко Пешевски.

„ Војводина е квалитетна екипа, составена од искусни домашни ракометари. Овој натпревар ни доаѓа во лош момент, но може добро да ни дојде за да ги залечеме раните и да биде еден наш нов почеток. Едно будење во кое ќе се подигнеме самите и ќе забележиме поволен резултат, не само на таа средба туку и на натпреварот што нè чека во Суперлигата против Пролет“, вели Пешевски

Во првите две кола од СЕХА, Еурофарм Пелистер загуби од Војводина во Нови Сад и од Нексе во Нашице.