Пиоли: Сакам да продолжиме вака до крајот на сезоната

Тренерот на Милан, Стефано Пиоли беше презадоволен од начинот на кој го одиграа мечот со Наполи синоќа. Тој ги повика фудбалерите да го задржат истиот став како и на натпреварот против Наполи.

„Задоволен сум од победата, но ова е само првиот чекор. Претстојат уште девет натпревари во првенството, кои мора да се одиграат со истиот став. Ни побегнаа премногу бодови. Денешниот резултат нема да влијае на натпреварите во Лигата на шампионите, тоа е сосема поинаков турнир со друга атмосфера. Ние внимателно ќе ја проучуваме оваа игра и ќе размислиме за следната. Важно беше да победиме и да останеме лидери во борбата за место во Лигата на шампионите“, вели Пиоли.