Победи на Вардар и Кожуф, ќе решаваат „мајсторки“

„Вардарци“ беа сигурни против МЗТ Скопје Уни Банка (68:56), а Кожув победи во Струга (85:78) за нерешени (1-1) во серијата против Црн Дрим.
Третиот меч од плеј-аут сериите помеѓу екипите на Вардар и МЗТ Скопје Уни Банка, односно Кожув и Црн Дрим Грин мобиле, ќе решат кои две од нив и догодина ќе играат во Првата лига.
Странската „тројка“ Богдановиќ-Дикембе-Радош искомбинира 52. поени, највисокиот актер на мечот „Под Кале“, Дујковиќ имаше уште осум поени за Вардар.
На другата страна, Монтогомери заврши со дабл-дабл од 18.поени и 15. скока, Митевски имаше 12, а Андоновски 11. поени.
Во ист стил се играше и второто полувреме од средбата во СЦ „Тими“ во Струга. Рамноправно, со доста еднакви бројки на семафорот. Така беше и по три четвртини, (67:67).
Јасно беше дека ќе решаваат последните десет минути, во кои подобри, пред се во одбраната, беа гостите од Гевгелија.
Имаа и тројца доста расположени поентери. Чампара заврши со 23, Пајиќ 22, а Скот 21.поени. Беа творци на „брејкот“ по кој серијата за 48.часа ќе се пресели одново во Гевгелија.
Комплетната стартна петорка на Црн Дрим Грин мобиле финишираше како двоцифрена. Најмногу, 18 поени имаше најмладиот меѓу нив – Настовски.