Повреда на Адеми која го загрижува и селекторот Милевски

Аријан Адеми се повреди на мечот со Омонија во квалификациите за ЛШ, Динамо Загреб победи со 2:0, но најверојатно го загуби капитенот за реваншот, бидејќи повредата не е наивна.

Според првичните процени, тој има болки во бутниот мускул, но и на задната ложа.

„Кај Адеми настрада бутниот мускул, можеби и задната ложа. Не можеме ништо да прогнозирам, но се надевам дека се ќе биде во ред и дека ќе го имаме на располагање“ – изјави тренерот на Динамо Загреб, Дамир Крзнар.

Повредата го загрижува и селекторот на Македонија, Благоја Милевски во септември ќе дебитира во квалификациите за СП 2022, против Ерменија и Романија во Скопје, и против Исланд на гости.