Погба и Киеза во завршна фаза на рехабилитација од повредите

Тренерот на фудбалерите на Јувентус, Макс Алегри, кон крајот на месецов треба да ги има на располагање Пол Погба и Федерико Киеза, кои се опоравуваат и полека влегуваат во тренинг процес.

„Тутоспорт“ најавува дека двајцата ќе бидат подготвени за натпреварот со Бенфика во Лигата на шампионите кој треба да се одигра на 25 октомври.

29-годишниот Французин кој беше ангажиран во текот на летото треба да го направи второто деби во црно-белиот дрес додека Киеза кој се повреди во јануари, нема одиграно ниту една минута во тековнава сезона.