Познати учесниците на Струшкиот ракометен турнир

Годинава ќе се одржи 53-тото изнажние на традиционалниот меѓународен ракометен турнир во Струга. На отворениот терен крај популарната „женска плажа“ ракомет ќе се игра од 13 до 16 август.

Оваа година на отвореното игралиште „Горан Попоски – Бабец“ ќе играат шест екипи, четири македонски и две странски. Годинашното издание ќе го прескокнат трите најдобри македонски екипи, Еурофарм Пелистер, Вардар и Алкалоид.

Покрај домаќинот Струга, честа на Македонија ќе ја бранат ГРК Тиквеш, РК Бутел Скопје и ГРК Охрид.

Дополнително екипите на Бурса од Турција и Раднички Крагуевац од Србија ќе го збогатат новото издание на Струшкиот турнир.