Поранешниот стан на Бендтнер се продава за ЧЕТИРИ фунти!
Поранешниот стан на Свен Горан Ериксон и Никлас Бендтнер се појави во огласник и се продава за само четири фунти!
Редовната цена му е околу 550 илјади евра, но причината за вака ниска цена е лотаријата поради која станот се најде на пазарот. Тој ќе биде главна награда на извлекувањето за кое тикетот чини точно четири фунти.
Овој стан го користеше Ериксон додека беше селектор на Англија, додека Бендтнер додека играше за Нотингем Форест една сезона.
Станот е сместен во Нотингем на реката Трент, а има две двокреветни спални соби, модерна кујна и два тоалети. Она што секако привлекува внимание е тоа што има заеднички базен, џакузи и теретана, како и подземен паркинг. На рекламата за станот е истакнато и дека има неверојатен поглед од балконот.
Еве како тој изгледа.
