Постигнат договор за трансфер на Карим Адејеми во Борусија Дортмунд

Австрискиот телевизиски канал Скај Спортс пренесува дека Борусија Дортмунд и РБ Салцбург постигнале договор за трансфер на 20-годишниот германски репрезентативец Карим Адејеми. Сега останува само да се дефинираат личните услови кои фудбалерот ги бара од клубот од Дортмунд.

Двата клуба веќе постигнаа начелен договор за трансфер од 35 милиони евра, но сеуште е рано да има официјална потврда. Освен Борусија, за фудбалерот интерес покажуваат и РБ Лајпциг, Ливерпул и Париз Сен Жермен.

Адејеми од почетокот на оваа сезона веќе забележа 20 гола и 5 асистенции на 38 натпревари.