Почетино нема против да стане селектор

Маурицио Почетино во изјава за англискиот Скај Спорт изјавува дека е подготвен да се врати на тренерската работа, велејќи дека е заинтересиран за позицијата селектор.

Аргентинскиот тренер е без ангажман од јули оваа година кога доби отказ во Париз Сен Жермен, а сега после неколку месечна пауза најавува враќање на тренерската клупа.

„До сега не сум размислувал околу можноста за преземање на некоја национална селекција, но сега сум отворен за таа идеја, зошто да не? Можеби работата во репрезентација би била поинаква. Не е точно дека би ја водел само аргентинската селекција. Доколку тоа биде и некоја друга земја, зошто да не, сигурно и тоа би било добро“, вели Почетино.