Првата ѕвезда на Ленс на пат кон Милан

Милан тргнува по ангажман на нов напаѓач. Според инталијански извори, „росонерите“ се заинтересирани за напаѓачот на Ленс, Лои Опенда.

Според информацијата на „Газета дело Спорт“, екс-шампионот на Италија го гледаат 23-годишниот Белгиец како можно засилување за следната сезона и сериозно освежување на напаѓачкиот ред, кој оваа сезона беше можеби и најслабиот дел од тимот.

Трансферот на Опенда е проценет на 25 милиони евра. Фудбалерот оваа сезона за Ленс одигра 36 натпревари и постигна 19 гола со три асистенции.