Премиер лигата даде зелено светло за продажба на Челзи

Откако претходно владата на Велика Британија даде одобрение за продажба на Челзи, сега зелено светло за продажба даде и Премиер лигата.

Во соопштението од лигата се наведува дека конзорциумот кој го предводи Тод Боели ги пројде сите проверки околу сопствеништвото и идниот директор. Сега останува само владата да даде соодветна лиценца за продажба и конечниот договор ќе може да се склучи.

Според претходните податоци, вкупната сума од продажбата на Челзи ќе достигне 4,25 милијарди фунти.