Претседателот на Ла Лига: Суперлигата не е „мртва“

Претседателот на Шпанската Ла Лига, Хавиер Тебас, смета дека идејата за Суперлигата не е „мртва“ и во блиска иднина темата повторно ќе биде актуелна.

„Не, идејата не е мртва. Флорентино Перез никогаш не губи. Го познавам долги години. Суперлигата не е турнир, туку концепт за многу години, според кој големите клубови во Европа мора да одлучуваат и да управуваат со светскиот фудбал“, изјави Тебас.

Шефот на шпанската лига смета дека претседателот на Реал Мадрид се уште има „адути во ракавот“ и ќе се обиде уште еднаш да ја реализира својата идеја.