Претседателот на ПСЖ: Меси е среќен во клубот

Претседателот на Париз Сен Жермен, Насер Ал-Келаифи изјави дека е уверен оти фудбалерот Лионел Меси ќе го продолжи договорот со клубот, кога во јануари ќе започнат разговорите околу неговата иднина.

Во разговор за медиумите, Ал-Келаифи се сомнева во медиумските шпекулации дека Меси на крајот од сезоната ќе замине да настапува во американската МЛС лига, и вели дека Аргентинецот е среќен во Париз каде има добра сезона со екипата.

Договорот на Меси со ПСЖ истекува по завршетокот на сезоната, но Ал-Келаифи вели дека за евентуален нов договор ќе се преговара во јануари и дека е убеден оти Меси би сакал да остане во Париз и во идинина.